1. Tuo tawe umriar awya,
tuo fo cfekek nuo mase waaa
Titya nuo ndoi, titya nuo nehar,
tasya fo wa nuo nari..
2.omfo nuo namo,
pouwa wa, namo hayuo
nuo namo run, namo nawe po wa tue feee
tuo cetey nuo, gei nasu fe awya, tasya mfo mfenak mase,
tuo cetey tapi ri mama mforok tu ta mei si,
rae mawe nuo nsia ait aro awya.. namo runn
3.aya ifat paen situoh
aya iyei paen kuer.
wiam tambrauw paen put
wiam wiskek,vitakur paen forok mana
chaf retuo moof awya, ke tehar wa men paen pe amah su,
paen tien tikar su, peit poit pem su, asoh su.
omfo porinda umsu nuo nese akus keit,
nuo namo pat, nsia rae maper,
chaf nggeir, tasya mata, takit mata...
nuo nema etiet retuo mot keit..
aya ifat,iyei, wiam tambrauw, wiskek, vitakur ana ndikias nuo
tuo toror sei....
4. nggakwar wa po ri nuo nggei awya ta..
nenot ayen watum rae manes
nuo sak nggokok, awu sak nggokok
baru kway nomo nsaso pastor wa yese kway nsuok aya
aya re rae nsaku anya....
1
Tidak ada komentar:
Posting Komentar